Ahmet Haliti kthehet te Prishtina

Pas dy viteve të fundit të kaluara te Ferronikeli, futbollisti që ka edhe përvojë edhe në Superioren shqiptare, Ahmet Haliti është rikthyer edhe zyrtarisht te fituesi i Kupës së Kosovës dhe nënkampioni, Prishtina.

Përveç përforcimit me Halitin 29 vjeç, që luan në mbrojtje, faqja zyrtare e Prishtinës ka bërë të ditur se ai nuk do të jetë përforcimi i vetëm i skuadrës dhe brenda ditëve në vijim do të zyrtarizojë edhe marrëveshjet tjera.

Prishtina pas triumfit në Kupë të Kosovës ka siguruar pjesëmarrjen në Europa Ligë.

Haliti ka qenë pjesë e Prishtinës para se të shkojë në Superiore. Ai gjatë karrierës së tij ka qenë pjesë e Besianës, Hysit, Hajvalisë, Besës së Kavajës, Bylisit dhe Ferronikelit. Për Prishtinën ka luajtur në stinorin 2014/15.