SULMUESI I RI
Albian Ajeti, zyrtarisht te St Gallen
31 March, 2017 @9:09
Futbollisti me origjinë kosovare, i lindur në Basel të Zvicrës, Albian Ajeti, është zyrtarizuar si lojtar i ri i St Gallenit.
Njoftimin e ka dhënë vetë klubi zviceran, duke bërë të ditur se ia ka blerë kartonin sulmuesit 20 vjeçar prej Augsburgut të Gjermanisë, lojtar i të cilit ka qenë ai.
Sulmuesi Ajeti është 183 centimetra i gjatë dhe së fundi në 19 paraqitje me St Gallenin, ka shënuar 9 gola. Deri dje, ai ka luajtur si lojtar i huazuar aty, ndërsa tash e tutje, ka bindur drejtuesit e klubit që të jetë edhe ‘me letra’ lojtar i tyre.
St Gallen është në pozitën e pestë të Superligës zvicerane, me 31 pikë të fituara nga 25 ndeshje. Albiani ka shënuar 30% të të gjitha golave të ekipit këtë stinor në elitë.
