Të gjitha lajmet

KUPA E KOSOVËS: 1/16

Ballkani i fortë edhe në Kupë, eliminon Dritën

Ballkani i fortë edhe në Kupë, eliminon Dritën

28 November, 2019 @15:35

Lideri aktual i Superligës së Kosovës në futboll, Ballkani, ka arritur që pas penalltive, të eliminojë Dritën nga Kupa e Kosovës, duke vazhduar kështu formën e mirë në të gjitha garat e Republikës.

Suharekasit e drejtuar nga Ismet Munishi janë duke treguar lojëra të jashtëzakonshme këtë stinor, falë përzierjes së përvojës dhe treshes së reprezentacionit U21 të Kosovës - dhe kështu ecin tutje në të tetën e finales së Kupës.

Derisa Drita mori epërsinë në minutën e 27-të të ndeshjes me Fidan Gërbeshin, pas penalltisë së shkaktuar nga vendasit, Ballkani barazoi në fillim të pjesës së dytë, kur ylli i ekipit, Blendi Baftiu barazoi në minutën e 53-të të takimit.

REZULTATET E KUPËS

Drita në fakt qëndroi në lojë deri në vazhdime vetëm falë mbrojtjeve tejet të mira të portierit të tyre Goran Tafilovski, që mbrojti disa tentime të vendasve.

Pas vazhdimeve, gjithashtu gola nuk kishte, derisa Ballkani mbeti me 10 lojtarë, pasi që Edvin Kuc mori të verdhën e dytë, e vendasit duruan deri në minutën e 120-të me një lojtar më pak, për të shkuar në penallti, ku edhe fituan lojën.

Nga penalltitë për Ballkanin të saktë ishin: Potoku, Besnik Krasniqi, Kushtrim Gashi, Visar Berisha, në serinë e 5 penalltive të para, kurse Krasniqi kishte dështuar të shënonte.

Te Drita, të saktë ishin Bujar Shabani, Adrian Cuculi, Erion Vuçaj e Fidan Gërbeshi, derisa penalltinë e parë e kishte humbur Emini.

Në penalltitë shtesë, Betim Haxhimusa i Dritës s’shënon, derisa Liridon Fetahaj i Ballkanit qëllon rrjetën e mysafirëve, për të sjellë gëzim të madh në skuadër dhe kalim në të tetën e finales për suharekasit me përfundimtaren (1-1 [5-4]).

MEDIA TALK

Challandes parashikon muajin e ndeshjes Maqedonia V - Kosova

7 April, 2020 @0:21

Selektori më i suksesshëm i Kosovës në historinë e shkurtër të vendit tonë në gara ndërkombëtare, Bernard Challandes, duke folë…

JUGKOREANI

Son Heung-min shkon në ushtri

6 April, 2020 @23:58

Futbollisti i Tottenham Hotspurit, Son Heung-min, do të kryejë shërbimin ushtarak në shtetin e tij, Kore të Jugut, ka konfirmuar…

DON BALON

Marash Kumbulla në radar të Real Madridit

6 April, 2020 @15:33

Qendërmbrojtësi i kombëtares shqiptare, Marash Kumbulla, i është ofruar si zgjidhje kryetarit të Real Madridit Florentino Perez, shkruan sot Don…

STINORI 1999/2000

Tabelat përfundimtare 1999/2000 të Ligave të Dyta të Kosovës

Foto nga arkivi i Brahim Vojvodës, sulmuesit të KF Drenica

6 April, 2020 @14:58

Ishte sezoni i parë i pasluftës në Ligë të Dytë të Kosovës, që në fakt ishin dy. Liga e Dytë…

TOP 10

Laureatët e vitit 2000 nga FFK

6 April, 2020 @0:12

Në stinorin e parë të pasluftës në Kosovë dhe pas shpalljes së Prishtinës kampione të Kosovës, e Gjilanit fitues të…

Të gjitha lajmet nga