Baraz në Gjilan, kreu s’ndryshon

Në ndeshjen e fundit të xhiros së XVI të Superligës së Kosovës në futboll, Feronikeli e Drita luajtën baraz 1-1.

Drita ishte skuadra që e kërkoi golin më shumë në fillim të ndeshjes, ku së pari e rrezikoi portën e portierit Florian Smakiqi me Betim Haxhimusën e më pas me Endrit Krasniqin, mirëpo e para që kaloi në epërsi ishte skuadra e Feronikelit. Pas një harkimi të Yll Hoxhës, më së miri në zonë u gjend Lapidar Lladrovci, i cili me kokë shënoi për 0-1, rezultat me të cilin skuadrat shkuan në pushim.

TABELA AKTUALE

Në pjesën e dytë, goli i barazimit për kampionin në fuqi të Kosovës erdhi në minutën e 69’ nga Bujar Shabani, i cili goditi nga distanca për ta mposhtur portierin mysafir.

Më pas, gola të tjerë nuk pati përkundër orvatjeve nga të dyja skuadrat dhe ndeshja u mbyll me rezultatin përfundimtar 1-1, rezultat i cili bën që Feronikeli mos ta rikthejë kreun pas gabimit të Prishtinës ndaj Ferizajit, ndërsa Drita në anën tjetër pas 16 xhirove ka tubuar 23 pikë.

FORMACIONET STARTUESE