Barazon Milan

Milan është ndalur përsëri. Pas dy fitoreve si trajner debutues në Serie A, Clarence Seedorf, ka pasur rastin të bëhet trajneri i parë i Milanit që shënon tre fitore me radhë në tre ndeshjet e para të rossonerëve që nga koha e Luigi Bonizzonit në stinorin 1958/59, por nuk e arriti këtë.

Rossonerët ia nisën mirë ndeshjes kur portieri i Torinos, Daniele Padelli, me maje të gishtërinjëve shpëtoi një goditje të devijuar të Giampaolo Pazzinit, por kanë qenë mysafirët që shënuan të parët. 

Ka qenë një lëvizje individuale e Ciro Immobiles, i cili shpëtoi nga gracka e ofsajdit, për të kaluar më pas Daniele Boneran dhe të shënojë para Christian Abbiatit për epërsinë e torinezëve. 

Milan rimorri iniciativën, pati raste, por nuk arriti të shënojë derisa qendërmbrojtësi i ardhur nga Valencia, Adil Rami, pas një goditjeje e cila devijohet shënoi golin e parë të tij në fanellë rossonere dhe barazoi rezultatin. 

Përkundër se pjesa e dytë i takoi tërësisht Milanit por goli nuk erdhi, derisa Torino dy tentimet serioze i kishte nëpërmjet Alessio Cercit, që gjithashtu nuk arriti të mposhtë Abbiatin. 

Mefsushori i kombëtares shqiptare, Migjen Basha, ka qenë në formacionin bazë të Torinos dhe ka qenë në fushë deri në minutën e 70-të të ndeshjes, kur u zëvendësua nga slloveni, Jasmin Kurtic. 

Rezultatet dhe tabela aktuale.