Të gjitha lajmet

KOLUMNE

Betejat e dhimbshme

Foto: FFK

Betejat e dhimbshme

Shkruan: LUAN MORINA

15 October, 2018 @14:46

Në disa beteja mposhtesh, e disa tjera i humb. Këto të fundit janë më të dhimbshmet, më të neveritshmet! E tillë ishte ajo e të dielës kundër Ishujve Faroe!

Mund ta fajësojmë golin e hershëm, por mendoj se edhe ashtu kishim një qasje më të lehtë ndaj Ishujve Faro në këtë ndeshje. Ndoshta për faktin që i kishim mposhtur muajin e kaluar, ndoshta inspiruar nga fitorja me Maltën. Por, një qasje e tillë në një lojë të vlefshme është e papranueshme!

ZENELI?

Lodhja, si nga loja si nga udhëtimi, mund të jetë e qartë, por përsëri nuk është arsyetim. Arsyetim për humbjen e dy pikëve të dielën nuk ka! Faktorë pse humbëm, janë të shumtë, dhe mund t’i rendojmë duke nisur nga pozita e trajnerit.

Nuk e kuptoj vendimin e Challandes për të mos nisur ndeshjen me Zenelin. Tashti, janë dy lider në fushë për Kosovën kryesisht. I pari është Hekuran Kryeziu, i dyti është Arbër Zeneli. Derisa Kryeziu merr topat nga mbrojtja dhe distribuon drejt vijës së gjysmë-sulmit, aty është Zeneli i cili lëvizën më së shumti nga katërshja ofensive drejt mesfushës në kërkim të topit. Kryeziu mungoi për shkak të kartonëve (ai kundër Maltës ishte i panevojshëm), por mungesa e Zenelit duket e paarsyeshme!

RASHICA E ZHEGROVA

Sigurisht që Rashica shënoi një gol të bukur, e Zhegrova pati driblime, por të dy ishin botë në vete! Dhe futbolli nuk është sport individual! Edonin mund ta arsyetojmë se është ende i ri, por Rashica në nëntë ndeshje gjatë kualifikimeve për Rusia 2018 nuk është ‘lodhur’ të vinte drejt mesfushës për të marrë topa!

TABELA AKTUALE

Pastaj kishim Valonin i cili nuk është vetja nga pas lëndimi. Ndoshta edhe nuk po përshtatet me filozofinë e Challandes, por cilësia është aty. Nevojitet vetëm më shumë motivim, por shpresoj që çfarë nevojitet në fakt është përgatitja fizike pas lëndimit e motivimi as nuk vihet në pyetje! Njëjtë edhe për Halimin mund të themi, i cili kishte njërën nga ndeshjet më të dobëta për Kosovën deri tani. Shala ishte më mirë se kundër Azerbajxhanit, por larg aftësisë për të qenë lider në mesfushë, e nga Voca është herët të pritet kjo gjë. Pa Kryeziun jemi pa kokë, fatkeqësisht!

MBROJTJA

Mbrojtja ishte e ç’orientuar për shkak të mungesës së Kolollit. Nuk do të fajësoja individualisht asnjërin, as Rrahmanin për pasimin e gabuar që rezultoi me gol. Goli do të mund të vinte edhe në shumë aksione tjera të cilat fatkeqësisht përfunduan keq për kundërshtarët. Shumë hapësirë e lejuar në zonë, kanale të hapura gjatë kundërsulmeve, mungesë orientimi në fushë! Mbrojtja të kujtonte fillimet e kësaj kombëtareje!

MEGJITHATË, KEMI PËRPARUAR

Lojëra të dobëta do të ketë, oscilime në lojë, ditë të këqija! Të dielën ishte një e tillë. Dhe nga këto ditë mund të mësojmë dhe përmirësohemi edhe më shumë. Vetëm se duhet të pranojmë gabimet, dobësitë, dhe të punojmë në eliminimin e tyre. Disa prej këtyre u mundova t’i përmend këtu. Ka edhe shumë tjera, por as nuk mund të debatohet që nuk jemi duke përparuar si kombëtare pas çdo ndeshjeje. Kjo është një gjeneratë që do të luaj edhe për kualifikimet në Kupën e Botës në vitin 2026! Pak nga pak, hap pas hapi, do të kthehemi në njërën ndër ekipet më të mira në Ballkan! Dhe në këtë rrugë do të ketë edhe ndeshje tjera si kjo e të dielës. Vetëm le të jenë sa më pak!

 

ANKARAGUCU - RIZESPOR

Muriqi shpëton ekipin nga humbja

4 May, 2019 @16:59

Futbollisti i Kosovës, Vedat Muriqi, ka shënuar gol nga penalltia sot për ekipin e tij Rizespor, duke mos lënë që…

HEIDENHEIM - SANDHAUSEN

Paqarada shënon për pikët e shpëtimit

4 May, 2019 @15:21

Krahu i reprezentacionit të Kosovës, Leart Paqarada ka shënuar sot gol për ekipin e tij Sandhausen, për t’i dhënë krahë…

KOSOVA U19

Krasniqi fton 26 futbollistë në grumbullim

TOPSPORTI/Arkiv

2 May, 2019 @22:55

Selektori i Kosovës U19 Ramiz Krasniqi ka ftuar 26 futbollistë për grumbullimin e radhës të reprezentacionit. Kosova U19 do…

HEKURAN KRYEZIU

E konfirmon Zurichu, hendikep i madh për Kosovën

22 April, 2019 @10:25

Shtylla e mesfushës së reprezentacionit të Kosovës, Hekuran Kryeziu, ka pësuar lëndim dje në përballjen që ekipi i tij Zurich…

FIFA RANKING

Ngritja e Kosovës në renditjen e FIFAs

TOPSPORTI/ A. P.

4 April, 2019 @11:37

Edhe një ngritje, përsëri rekord për Kosovën, në renditjen mujore të FIFAs. Në listën e botuar sot nga FIFA…

Të gjitha lajmet nga Përfaqësuesja