Challandes përgjigjet: Pse vendosa për Kosovën?

Selektori i Kosovës Bernard Challandes në një deklaratë të tij për uefa.com ka bërë të ditur edhe arsyen pse ka vendosur të drejtojë Kosovën.

Ai ka folur para ndeshjes me Maltën, në konferencë për shtyp.

ORARI, NDESHJET dhe TABELA

“Kam zgjedhur të jem trajner i Kosovës sepse besoja në potencialin që ka dhe ne bashkë, si ekip, mund të ngritemi. Fillimisht, kualifikimi në këtë garë [Liga e Kombeve v.j.] nuk ka qenë objektivi ynë, por që tash kjo duket e mundshme, qëllimi është që të përfundojmë të parët dhe të kualifikohemi. Jemi një grup i ri, ndërsa për të mbetur në krye duhet të punojmë tepër shumë,” kanë qenë fjalët e trajnerit zviceran të Kosovës, ka shkruar UEFA sot.

Kosova sonte mund të sigurojë kualifikimin në Ligën C të Kombeve nëse e mposht Maltën, ndërsa në ndeshjen tjetër të grupit, Azerbajxhani nuk shënon fitore.

Formacionet zyrtare, Malta - Kosova.