BURTON - MANCHESTER CITY
Muriçi në portë, City në finale
23 January, 2019 @23:23
Manchester City ka arritur finalen e Kupës së Ligës (Carabao Cup) së Anglisë, duke e mposhtur edhe në ndeshjen e dytë Burtonin.
Sonte, ka mjaftuar rezultati 0-1 si mysafir me një gol të shënuar nga Sergio Aguero, derisa ndeshja e parë në Etihad kishte përfunduar 9-0 në të mirë të ekipit të Pep Guardiolës.
Manchester City në finale të Kupës së Ligës do të ndeshet me fituesin e çiftit tjetër gjysmëfinal, Chelsea-Tottenham. Duelin e parë të kësaj gjysmëfinaleje e fitoi ekipi i Mauricio Pochettinos 1-0.
Për Cityn sonte ka mbrojtur portieri i reprezentacionit të Kosovës, Arjanet Muriç, i cili nuk ka pranuar gol përgjatë 90 minutave.
