Conte: Shumë vështirë ndaj M’brough

Italiani që po e mban Chelsean në krye të Premier Ligës dhe është shumë afër ta kthejë titullin kampion në Stamford Bridge, Antonio Conte, ka thënë se ndeshja e radhës për ekipin e tij është shumë e vështirë.

“Të dyja skuadrave i nevojitet shumë fitorja. Neve për titull, atyre për mbijetesë. Do të jetë ndeshje jashtëzakonisht e vështirë, por lojtarët duhet të mësohen me presion të tillë,” ka thënë ndër të tjera ai, sot në konferecën për shtyp para ndeshjes.

Chelsea pret Middlesbroughnë të hënën me fillim prej orës 21:00. Ndjekës i parë i Chelseat është Tottenham, që ka 4 pikë më pak dhe luan sonte ndaj West Ham United. Në rast të fitores së Tottenhamit, distanca do të bëhet vetëm një pikë!

M’brough në anën tjetër, fitoren e ka çështje jetike. Të jesh ose të mos jesh. Përndryshe, rënia e menjëhershme në Championship, do të jetë vështirë e evitueshme.