Derbi D’Italia

Përkundër se dy kundërshtarët e përbetuar italianë, Juventus dhe Inter, janë në një gjendje krejt të kundërt nga njëra-tjetra në ligë për momentin, të dyja ndeshjet e fundit nuk kanë arritur t’i fitojnë. 

Edhe Juventusi kampion, por edhe Interi kanë barazuar në xhiron e fundit. Juventusi barazoi me Lazion 1-1, derisa Inter me Catanian 0-0. 

“Ne kemi treugar se pse jemi në krye të tabelës,” ka thënë Conte pas ndeshjes me Lazion. “Ne jemi munduar të instalojmë mentalitetin fitues, futbollistët kanë krijuar raste dhe kanë treguar se janë njerëz.” 

Giorgio Chiellini e Gianluigi Buffon do të jenë mungesat kryesore te bianconerët. 

Interi në anën tjetër, ende nuk ka shijuar fitore në vitin 2014, derisa ka shënuar një gol të vetëm. 

“Kemi humbur shumë raste ndaj Catanias. Stadiumi i zbrazët ka qenë faktori kryesor i dështimeve,” kishte thënë Walter Mazzarri, trajneri i neroazzurrëve pas ndeshjes ndaj Catanias. 

Njëri ndër transferet e fundit të Interit, Danilo D’Ambrosio, ka pësuar një lëndim dhe vështirë se do të fitojë të drejtën të debutojë për Interin sonte. Estaban Cambiasso me përvojë, do të mungojë për shkak të lëndimit gjithashtu, derisa pritet të debutojë mesfushori brazilian i posatransferuar, Hernanes, që erdhi nga Lazio. 

Në pesë ndeshjet e fundit në të gjitha garat, Juventus ka të shëunara 3 fitore, 1 barazim dhe 1 disfatë, derisa Inter në pesë ndeshjet e fundit nuk ka fitore dhe ka 2 barazime dhe 3 disfata. 

Që nga stinori 2002/03, Derbi D’Italia, ka mesatare prej 2.4 golave për ndeshje, ku ka parë fitues Juventusin 5 herë derisa Interin 3 herë. Dy të tjerat kanë përfunduar me barazim.

Rezultatet dhe tabela aktuale. 

Juventus-Inter: