Erdon Daci vazhdon me Konyasporin

Futbollisti i ri nga Shkupi, Erdon Daci, ka vazhduar kontratën me Konyasporin edhe për katër vite tjera, duke u zyrtarizuar kështu me kontratë deri më qershor të vitit 2023.

Konyaspor e ka marrë si lojtar të lirë Dacin nga Vardari në korrik të vitit 2017 dhe tashmë mesfushori, që më parë ka luajtur për U21 të Konyas, do të mund të paraqitet edhe për ekipin e parë, pasi që ekipi turk veçse ia vazhdoi kontratën për 4 vitet e ardhshme.

Daci është 21 vjeç dhe luan në fazën ofanzive të ekipit. Ai nuk është paraqitur ende me reprezentacionin e Maqedonisë Veriore, ndërsa ka fituar Superkupën e Turqisë me ekipin e tij në vitin 2018.