MEDIA TALK
Fabio Capello lëvdon trajnerin e kritikuar
15 April, 2021 @14:51
Trajneri italian me emër, Fabio Capello, ka bërë të ditur se i pëlqen loja që e aplikon trajneri aktual i Romës, Paulo Fonseca, përkundër se ky i fundit është i shumë-kritikuar dhe po përfolet si largim i sigurt nga ekipi i kryeqytetit italian.
“Më pëlqen Fonseca. Ai e bën ekipin që të luajë futboll. Ka ekip të mirë, por ka pasur shumë lëndime. I jep lojtarëve diçka shtesë ai në lojë,” ka thënë Capello për Sky Sport Italian.
Sa i përket probleme në skuadër, edhe aty strategu i dikurshëm i Real Madridit e Milanit ka qenë i qartë.
“Klubi ka pasur probleme me Edin Dzekon dhe trajneri e ka paguar këtë llogari. Pika më e dobët e ekipit të tyre është portieri. Shpresoj që të arrijnë gjysmëfinalen e EuropaLigës sonte,” ka thënë ndër të tjera Capello.
Roma pret Ajaxin sonte, në ndeshjen e kthimit të EuropaLigës ku i konvenon edhe barazimi për të siguruar një vend në TOP 4 të garës.
