PËRFORCIM PËR FUND
Foto: KFFerizaji/fb
Ferizaji përforcohet për ciklin e fundit
11 March, 2019 @17:43
Cikli i fundit i ndeshjeve të Superligës në futboll do ta pret Ferizajin e përforcuar. Ekipi bardhekaltër ka bërë të ditur para pak çastesh se ka arritur marrëveshje me sulmuesin që derdhi djersë deri tash për Skënderbeun e Korçës.
Ardit Hoxhaj vjen te Ferizaji për 11 ndeshjet e fundit të Superligës, derisa ekipi i drejtuar nga Bylbyl Sokoli ka marë rezultate tejet të mira në nismë të stinorit pranveror, duke dalë nga zona e rënies në zonë të PlayOutit dhe tashmë po synon që të arrijë mbijetesë të pastër në Superligë.
Ferizaji ka tubuar 9 pikë nga 5 ndeshjet e pjesës pranverore të stinorit.
