Pasdite e qetë në “Fadil Vokrri”

Nga një gjysmërast për të dyja palët dhe atë në pjesë të dytë, ishte e tëra që karakterizoi përballjen mes Flamurtarit dhe Ballkanit këtë pasdite, që mbylli xhiron e XXII të Superligës dhe i dha fund ciklit të dytë të ndeshjeve në elitë.

Pas pjesës së parë të qetë, e njëjtë ishte edhe pjesa e dytë. Ajo që vlen të përmendet është goditja e fuqishme e Alban Shillovës në fillim të pjesës së dytë (49’) kur shutoi për gol, por portieri prizrenas i Ballkanit, Armend Ruxhi mbrojti këtë goditje.

TABELA AKTUALE

Ndërsa Ballkani 15 minuta para fundit të ndeshjes tentoi me Borche Manevskin, që ka qenë tentimi i parë në kornizë të portës së kuqezinjëve, e që u mbrojt pa ndonjë problem nga Flamur Neziri i Flamurtarit.

Në fund, lojës së zbehtë iu shtuan edhe 4 minuta shtesë nga referi që nuk solli asnjë gjë interesante në përballje për 0-0 përfundimtare.

Flamurtari e Ballkani kanë nga 28 pikë dhe tashmë në 11 xhirot e fundit të garës do të tentojnë t’i ikin pjesës së PlayOutit për të shpëtuar stinorin në elitë.