LETËR UEFAs
Foto: FFM
FFM zyrtarisht kërkon shtyerjen e ndeshjes ndaj Kosovës
11 March, 2020 @14:24
Federata e Futbollit të Maqedonisë (FFM) edhe zyrtarisht ka kërkuar nga UEFA-ja shtyerjen e ndeshjes ndaj Kosovës, në kuadër të PlayOffit të Ligës D të Kombeve.
FFM ka bërë të ditur përveç shikuesve, tashmë ka problemin edhe të arritjes së lojtarëve të saj me kohë, për shkak të disa shteteve që kanë futur në karantinë edhe lojtarët dhe arritja e tyre për datën e ndeshjes do të jetë e pamundur.
Gjithashtu FFM ka bërë të ditur se janë konsultuar edhe me Federatat e Gjeorgjisë e Bellorusisë, çiftit tjetër gjysmëfinal, fituesi i së cilës do të jetë nikoqir i finales së PlayOffit të Ligës D të Kombeve.
Ndeshja Maqedonia - Kosova është paraparë të luhet më 26 mars, ndërsa finalja më 31 mars.
