CARDIFF - LIVERPOOL
Fitore e madhe, ‘shpresat’ te United
21 April, 2019 @18:48
Një fitore e madhe për Liverpoolin ndaj Cardiffit sot!
“Të Kuqtë” e Kloppit nuk ranë pre e presionit dhe arritën të fitojnë në ndeshjen e luajtur ndaj Cardiffit në Uells, për t’u rikthyer në krye të Premier Leagues dhe për ta vazhduar fuqishëm rivalizimin për titull.
Pjesa e parë mes skuadrave u mbyll pa gola, ndërsa në pjesën e dytë goli i epërsisë për skuadrën nga Mersyeside u shënua nga holandezi Wijnaldum, i cili shënoi me një goditje të fortë pas një krosimi të menduar tejet mirë nga Alexander-Arnold.
Më pas, ishte James Milner ai që nga penalltia shënoi për 0-2 dhe ndeshja u mbyll me këtë rezultat.
Rezervë për Liverpoolin sot ishte Xherdan Shaqiri, por minuta për të nuk kishte as sot.
Me Cityn që ka një ndeshje më pak të luajtur dhe atë e zhvillon ndaj Manchester Unitedit në mesjavë, Liverpoolit ‘i duhet të shpresojë’ në ndihmë indirekte nga “Djajtë e Kuq”, rivali i tyre më i madh.
