Fitore e thellë,  lideri thellon kryesimin

Në takimin e zhvilluar në “Riza Lushta” të Mitrovicës, Trepça ‘89 e ka mposhtur me rezultat 4-0 skuadrën e Drenicës, për t’i shfrytëzuar kështu gabimet e kundërshtarëve në takimet e djeshme dhe për ta thelluar epërsinë e pikëve në kreun e tabelës.

Lideri aktual i Superligës e dominoi plotësisht takimin, ndërsa falë pritjeve të mira të portierit Burim Sadiku, goli i epërsisë u vonua deri në minutën e 43’, moment në të cilin Përparim Islami shënoi pas një asistimi shumë të mirë nga Shpëtim Idrizi.

Rastet vazhduan për ‘xehetarët’ edhe në vazhdim, mirëpo ishin Hasani, Oto John e Hajdari që shpërdoruan disa raste për shënim. Gjithsesi, në minutën e 68’ të takimit, mitrovicasit e gjetën edhe golin e dytë përmes Florent Hasanit dhe çështja e fituesit veçse u mbyll. Fare në fund të takimit, ‘89-shi shënoi edhe 2 të tjera ‘ekspres’, të dyja përmes Fiton Hajdarit, për ta mbyllur me rezultat 4-0 takimin e sotëm.

Kjo fitore bën që ‘89shi të ketë 6 pikë më shumë se ndjekësit më të afërt.

TABELA AKTUALE SUPERLIGA