ZONA e AZISË
Futbolli i jep shpresa Sirisë
6 September, 2017 @10:47
Përfaqësuesja e Sirisë në futboll, ka arritur barazim mbrëmë në përballje ndaj Iranit 2-2 dhe atë në minutat shtesë të takimit, për të vazhduar shpresën e kualifikimit për në Kampionatin Botëror Rusia 2018.
Siria ka përfunduar e treta në Grupin A të zonës së Azisë për kualifikim, duke siguruar kështu ndeshjet e barazhit për në Rusi.
Siria do të përballet me vendin e tretë të Grupit B, në barazh, Australinë, e nëse e kalon këtë pengesë do të ndeshet me skuadrën që vjen nga zona e Amerikës së Mesme (CONCACAF) për të siguruar biletën e Kampionatit Botëror Rusia 2018.
