Gerrard fiton derbin dhe arrin Celticun

Derbi i madh skocez ndërmjet Rangers dhe Celtic ka përfunduar me fitore të ekipit të Steven Gerrardit, që ia ka shkaktuar humbjen e parë në derbi Brendan Rodgersit, që ka drejtuar Celticun në 13 ndeshje të Old Firm Derby.

Vendasit dominuan në Ibrox për të fituar kampionin e Skocisë për herë të parë që prej prillit të vitit 2016.

Ryan Jack shënoi golin vendimtar të ndeshjes, ndërsa Eros Grezda që është anëtar i Rangersit nuk ka qenë në ekip sot.

Celtic pati një gol të anuluar në ndeshje, për shkak të ofsajdit, kur shënoi Callum McGregor, por në përgjithësi në të shumtën e kohës përgjatë ndeshjes ka qenë në fushë të vetë, duke u mbrojtur nga Rangersi tepër aktiv sot.

Pas kësaj ndeshjeje tashmë në krye të tabelës janë barazuar me pikë Celtic dhe Rangers, duke pasur të dy skuadrat nga 42 sosh, por Celtic ka një ndeshje më pak të zhvilluar.