Gilberto Fortunato shpëton Dritën nga humbja

Skuadra e Dritës ka shpëtuar nga humbja e dytë e stinorit, vetëm falë brazilianit Gilberto Fortunato, që ka shënuar në momentet e fundit të ndeshjes për t’i mos i dhënë pikët e plota Trepçës’89 sot në Gjilan.

Mitrovicasit treguan lojë të mirë që nga fillimi i ndeshjes dhe pas rastit të parë serioz nga Leart Emini, ka qenë Arb Manaj që ka shënuar për epërsinë e Trepçës’89 0-1 (27’).

TABELA AKTUALE

Drita në ndërkohë tentonte me sulme të shpeshta, por goli nuk vinte. Rast kanë pasur Izair Emini dhe Gilberto Fortunato, por pa mundur të ndërrojnë diçka në pjesë të parë.

E në pjesë të dytë Drita u tregua më kërkuese dhe trajneri Ardian Nuhiu zëvendësoi qendërmbrojtësin Fidan Gërbeshin me brazilianin Lucas.

Në anën tjetër, 89’shi tentoi me Diawaran dhe Muharrem Jasharin për të mbytur ndeshjen, por portieri Tafiloski i mbrojti goditjet e tyre.

TABELA AKTUALE

E kur mendohej se ‘89-shi do të marrë tërë kapitalin e ndeshjes me vete, në skenë doli Fortunato për të barazuar në kohën shtesë të takimit, për të sjellë gëzim të madh në ekip dhe për të përcaktuar përfundimtaren 1-1 (90’+3).

Barazimi rrëzon Dritën në vend të tretë të klasifikimit, ndërsa Trepçës’89 ia shton një pikë që e mban te mesi i tabelës, së paku deri nesër kur zhvillohën ndeshjet tjera të xhiros së gjashtë.