Hazard drejt largimit?

Eden Hazard drejt Spanjës?

Këto spekulime kanë filluar që një kohë të gjatë, mirëpo është vetë lojtari ai që ‘i shton’ zërat në lidhje me një transferim të tillë.

I pyetur për këtë gjë, Hazard deklaroi:

“Real Madridi mund të më interesojë mua. Nëse ata më duan, e dijnë se çfarë duhet të bëjnë.

Momentalisht jam lojtar i Chelseat, por momentalisht po pres se çfarë do të ndodhë me trajnerin. Më pas do të shohim se çfarë do të ndodhë me skuadrën.

Nëse qëndroj, do ta bëj nëse skuadra do të jetë më e mirë sesa në sezonin që e lamë pas. Nuk do të qëndroj nëse jemi më të dobët se që ishim.” - përcjell Goal.com.

Përveç deklaratës që shton zërat për largimin e tij drejt Madridit, edhe babai i lojtarit, Thierry Hazard, e ka pranuar publikisht që Eden nuk e ka pranuar vazhdimin e kontratës me skuadrën londineze.