Igli Tare refuzon Milanin

Rossonerët nuk do të kenë Iglin Taren drejtor sportiv. Njoftimi i fundit nga mediat italiane bën të ditur se vlonjati ka refuzuar ofertën e rossonerëve.

Paolo Maldini dhe Ivan Gazidis kanë bërë të ditur se Tare është zgjedhja e parë e tyre për pozitën e drejtorit sportiv.

Oferta e Milanit ka qenë pak më e lartë se ajo aktuale e Lazios, mirëpo në anën tjetër Lazio ka dyfishuar sot rrogën e Tares dhe ia ka vazhduar kontratën deri më qershor 2023.

Rossonerët gjithashtu i kanë ofruar pozitën e trajnerit Simone Inzaghit, por edhe ai ka preferuar të qëndrojë në kryeqytet me të kaltërit.

Tash e tutje, Milan do të drejtojë radarin diku tjetër, derisa pa drejtor sportiv do të duhet të negociojë për sezonin e ri me lojtarët në kërkim.