Jemi optimistë sepse jemi më të mirë

Mesfushori i Kosovës, që është rikthyer në reprezentacion pas shumë kohësh, Anel Rashkaj, ka thënë se është optimist para ndeshjes ndaj Bullgarisë në Sofje.

Ai ka folur edhe për ndeshjen ndaj Malit të Zi që përfundoi 1-1, por ka respekt edhe për kundërshtarin e radhës.

“Sot kemi punuar të ndarë në dy grupe për shkak të ndeshjes që kishim dje. Ishte mëkat që nuk fituam dje në Podgoricë sepse e kishim lojën në dorë dhe krijuam shumë raste, andaj edhe jemi paksa të dëshpëruar. Megjithatë, tani duhet të përqendrohemi te ndeshja me bullgarët. Çdo ndeshje në kualifikime është e vështirë. E dimë se Bullgaria është ekip i mirë, por duke marrë parasysh ndeshjen e parë në Prishtinë duhet të jemi optimistë sepse ishim dukshëm ekip më i mirë,” ka thënë mesfushori Rashkaj.

ORARI I NDESHJEVE dhe TABELA DREJT EURO2020