ATDHE NUHIU
Ka shumë faktorë që ndikojnë në rezultat
8 June, 2019 @20:03
Sulmuesi i Kosovës, Atdhe Nuhiu, në deklaratën e tij dhënë për faqen zyrtare të FFK-së pas stërvitjes së zhvilluar në Vasil Levski të Sofjes, ka thënë që ka shumë faktorë që ndikojnë në rezultatin përfundimtar të ndeshjes.
Nuhiu shpreson që Kosova t’i rrëmbejë tre pikë në Sofje.
ORARI I NDESHJEVE dhe TABELA DREJT EURO2020
“Stërvitja e sotme ka shkuar shumë mirë. Temperaturat janë paksa të larta, por e tillë është si për ne si për bullgarët. Sa i përket ndeshjes me Bullgarinë do të shkojmë me mentalitet për fitore, por se a do t’ia arrijmë këtij qëllimi mbetet të shihet. Edhe në ndeshjen e parë kundër bullgarëve, por edhe kundër Malit të Zi luajtëm shumë mirë, por ka shumë faktorë në lojë që ndikojnë në rezultatin e një ndeshje, siç ishte edhe lëndimi i Zenelit,” ka thënë sulmuesi shtatëgjatë i reprezentacionit.
