TURQIA - FRANCA
Kampionia e Botës bie në Turqi
8 June, 2019 @22:41
Franca që kishte hyrë në Grupin H si favorite absolute, tashmë ka pësuar humbjen e parë.
ORARI I NDESHJEVE dhe TABELAT DREJT EURO2020
Turqia, që kishte mposhtur Shqipërinë në mars 2-0 në Shkodër, sot mposhti edhe kampionen e Botës, Francën, 2-0 (Kaan Ayhan 30’, Cengiz Under 40’) në Konya, duke mos i dhënë shumë raste për të shënuar yjeve të botës së futbollit në reprezentacionin francez.
Golat e Turqisë erdhën në pjesë të parë të ndeshjes, ndërsa në pjesë të dytë të ndeshjes të orientuar në kundërsulme dhe me mbrojtje solide, turqit nuk i dhanë shumë mundësi francezëve.
Fakti tjetër. Turqia është e vetmja në këtë grup që ende s’ka pranuar gol!
ORARI I NDESHJEVE dhe TABELAT DREJT EURO2020
Turqia tash është lidere e Grupit H me 3 fitore nga 3 ndeshje, e ndjekur nga Franca e Islanda me nga 6. Përndryshe, kjo është fitorja e parë në histori të Turqisë ndaj Francës në ndeshje zyrtare.
