Isufi: Spektakli s’kryen punë, fitorja po!

Trajneri i Ballkanit, Bekim Isufi, pas fitores së parë të tij sezonale me ekipin prej që mori drejtimin e saj ka thënë se ndaj Prishtinës nuk shikohet spektakli në fushë, por pikët.

Ballkani mposhti Prishtinën 0-1 si mysafir sot në Fadil Vokrri, ndërsa kjo qe fitorja e parë e gjilanasit në krye të suharekasve.

“Në këto ndeshje një gabim mund të sjell avantazhin ose disavantazhin. Sot ishim të durueshëm, pasi që ndaj Prishtinës e dimë që nuk duhet bërë spektakël në fushë, por të fitohet ndeshja,” ka thënë ndër të tjera ai pas fitores.

Ballkani kështu ka arritur fitoren e parë sezonale dhe atë ndaj kampiones aktuale të Kosovës, ndërsa Prishtina edhe pas dy xhirove të para në Superligë, mbetet pa fitore.