COPPA ITALIA: JUVENTUS 0-0 INTER
Juventus eliminon Interin, arrin finalen e Kupës
9 February, 2021 @22:45
Interit i ka humbur njëra ndër garat që synonte për të fituar trofe me Antonio Conten në krye të saj.
Juventus duke e mbrojtur rezultatin nga ndeshja e parë gjysmëfinale e Kupës së Italisë 1-2, duke barazuar sonte 0-0 ka siguruar finalen e Kupës së Italisë, duke e lënë Interin jashtë gare.
Inter kishte rastet e veta, që vinin kryesisht pas gjuajtjeve të lira të Chris Eriksenit, por topi s’e gjente rrjetën, e rasti i parë serioz i juventinëve erdh me Cristiano Ronaldon, pak para fundit të pjesës së parë.
Dominimi i Interit, të cilëve iu duhej goli vazhdoi edhe në pjesë të dytë, por ekipi i Andrea Pirlos qëndroi deri në fund për të siguruar finalen e Kupës me 0-0. Cristiano Ronaldo rrezikoi edhe 2-3 herë seriozisht portën e neroazzurëve, të cilët shpëtuan pa pranuar gol vetëm falë portierit të tyre fenomenal, Samir Handanovic.
Finalisti tjetër i Kupës përcaktohet nesër, pas ndeshjes Atalanta-Napoli, ku ndeshja e parë kishte përfunduar 0-0.