Kemi shpresa për ndeshjen e kthimit

Trajneri i Vushtrrisë, Isa Sadriu, në deklaratën e tij pas ndeshjes ka thënë se ekipi i tij ka shpresa për kalim në finale, pas rezultatit 1-0.

Ai ka shtuar se, pasi që ekipi i tij nuk ka shfrytëzuar rastet gjatë rezultatit 0-0, ka mundur të humbte më thellë ndeshjen dhe rezultati prej 1-0 i jep shpresa.

RRUGËTIMI DREJT FINALES

“Të them të drejtën kemi ardhur për një rezultat me humbje minimale ose barazim. Kështu që, ne ia arritëm qëllimit tonë, edhepse Prishtina ka mundur që të fitonte 2-0 e 3-0. Mirëpo, ky është futbolli, sepse te 0-0 ne i patëm rastet tona. Ma merr mendja se i dhamë shpresë të madhe ekipit që pas dy javëve edhe Prishtinën ta largojmë nga Kupa,” ka folur me shpresë Sadriu pas ndeshjes, shkruan faqja zyrtare e bardhekaltërve sot.

Prishtina mposhti Vushtrrinë 1-0 sot, në ndeshjen e parë gjysmëfinale të Kupës. Ndeshja e kthimit zhvillohet pas dy javëve në stadiumin Ferki Aliu të Vushtrrisë.