Kukësi mund të mbetet pa zot shtëpie

Nënkampioni i Shqipërisë, Kukësi, mund të mbetet pa njeriun që ka kontribuar më së shumti te kjo skuadër në vitet e fundit. Fjala është për Safet Gjicin, kryetarin e klubit kukësian.

Gjici mund të ndahet nga skuadra kukësiane, pasi kjo e fundit mund të pësojë nga UEFA pas incidenteve të ndodhura në ndeshjen Kukësi-Legia në kuadër të xhiros së tretë të UEFA Europa League.

“Do ta rishoh pozicion tim te Kukësi. Do të mendohem gjatë këtyre ditëve dhe do të vendos,” citohet të ketë thënë Gjici në faqen sportal.al.

Madje tashmë kanë filluar edhe spekulimet e ndryshme se kryetari Gjici do ta merr postin e kryetarit të njërës prej skuadrave më me nam në Shqipëri, Vllaznisë së Shkodrës.