Kuptohet oferta e Napolit për Rrahmanin

Mbrojtësi i Kosovës, Amir Rrahmani, është synim kryesor i Gennaro Gatussos për të kaluar te Napoli nga Verona.

Rrahmani, që ka treguar lojëra të jashtëzakonshme te Verona që në stinorin e parë të tij në Serie A, që shquhet për mbrojtje, mund të bëhëet anëtar i ri i Napolit që në pjesën e dytë të stinorit.

Ndërsa sipas mediave italiane, Napoli, që pas largimit të Carlo Ancelottit emëroi Gatusson, po kërkon dyshen e Veronës: Rrahmani dhe Sofyan Ambrabat.

E shuma totale për dyshen që kanë ofruar napolitanët është 30 milionë euro, prej të cilave 12 llogariten të jenë për mbrojtësin kryesor të Kosovës.