NDARJA E HISES
BOROZANI/ D.S./ Arkiv
Liga e Kombeve, sa euro i fiton Kosova?
29 March, 2018 @14:39
Pas shortit, së fundmi UEFA ka publikuar edhe shifrat që do të përfitojnë ekipet pjesëmarrëse në edicionin e parë të Ligës së Kombeve.
Në total janë 76.25 milionë euro që do t’u ndahen përfaqësueseve bazuar në rezultat sportive që do të arrihen në edicionin e parë që zhvillohet këtë vjeshtë për të përfunduar me finalet e Play-Offit marsin e ardhshëm.
SA FITON KOSOVA E SA SHQIPËRIA
Kosovës nga kjo shumë do t’i takojnë gjysmë milioni euro vetëm për pjesëmarrje, që u shkon secilës kombëtare që pjesëmarrëse në Ligën D.
Shqipëria që gjendet në Ligën C, për pjesëmarrje do të merr 750 mijë euro.
Pjesëmarrëset e Ligës B marrin nga 1 milionë, e ato të Ligës A nga 1.5 milionë euro.
SA ËSHTË TOTALI?
Kosova mund të shtojë edhe 500 mijë euro në rast se e fiton grupin dhe kualifikohet në Play-Off.
Premia dyfishon kuotën e pjesëmarrjes për secilin fitues të grupit në tri ligat tjera.
Nëse Shqipëria arrin këtë sukses do t’i inkasojë edhe 750 mijë tjera.
Një milion shkojnë për fituesit e grupeve në Ligën B dhe nga 1.5 milionë euro për fituesit e grupeve në Ligën A.
Fituesi i Ligës së Kombeve merr 4.5 milionë euro, finalisti 3.5 milionë, i treti 2.5 milionë, dhe kombëtarja e katërt 1.5 milionë.
