Fantasy TopSporti
Të gjitha lajmet
Tabelat dhe Rezultatet

EKSKLUZIVE

Liria “siguron” tri përforcime

Liria “siguron” tri përforcime


9 January, 2022 @20:10

Skuadra e Lirisë së Prizrenit që po garon në Ligën e Parë A të Kosovës dhe pjesën vjeshtore të stinorit e kreu në pozitë të gjashtë të renditjes tabelare, duket se ka siguruar tri përforcime për pjesën pranverore të kampionatit.

Bardhezinjtë që arritën marrëveshje me trajnerin Granit Begolli pasi që mbyllën vjeshtën me 19 pikë, kanë marrë një mbrojtës, një mesfushor dhe një sulmes - ka mësuar TopSporti.com nga burimet pranë klubit të Lirisë.

TABELA E PJESËS VJESHTORE

Kështu, prizrenasit në ekip kanë shtuar përvojë me dy lojtarë me përvojë nga Superliga, Donart Sheqerolli dhe Viktor Kuka, si dhe sulmuesin Astrit Berisha.

Derisa sulmuesi Berisha së fundi ka qenë pjesë e Rahovecit në Ligë të Parë A, mesfushori Sheqerolli ka qenë pjesë e Vëllaznimit në vjeshtë, njëjtë sikurse edhe mbrojtësi i krahut Kuka, që kanë punuar në fillim të stinorit me Begollin, derisa ky ishte pjesë e Vëllaznimit.

Liria përgjatë pranverës do të shikojë mundësinë që në ndeshjet e mbetura të kap njërën nga dy pozitat e para që hapin rrugë për Superligë, por lufta për këto pozita pritet të jetë mjaft e vështirë pasi që edhe skuadrat tjera konkurrente për Superligë janë përforcuar mirë.


 
Të gjitha lajmet nga FFK Liga e parë