LEO DUARTE
Mbrojtës i ri te Milan
29 July, 2019 @7:50
Shefi i ekipit të Flamengos që garon në elitë të futbollit brazilian, Jorge Jesus, ka bërë të ditur për mediat se qendërmbrojtësi i ekipit të tij shpejt do të zyrtarizohet si lojtar i ri i Milanit.
Milan është pajtuar t’i paguajë 11 milionë euro për Duarten, që pritet të arrijë këtë javë në Itali për të nënshkruar me rossonerët.
“I sigurt, Duarte do të jetë lojtar i ri i Milanit. Çdo punë është kryer,” i ka thënë Jesus radio Brasilit. “Ai po përgatitet për të kaluar në Evropë. I dëshiroj më të mirat atje.”
Leo Duarte 23 vjeç ka në bagazh 60 ndeshje me Flamengon dhe dy gola të shënuara, ndërsa në Brazil ka marrë nofkën si Thiago Silva i ri.
