Me pak fat, mund të befasojmë

Në konferencën e sotme për shtyp të futbollistëve të Kosovës u paraqitën Samir Ujkani dhe Milot Rashica.

Dyshja iu përgjigjën pyetjeve të gazetarëve, ndërsa portieri Ujkani ndër të tjera ka bërë të ditur se Kosova me pak fat mund edhe të befasojë në këtë grup.

“Duhet të jemi realist. Ne jemi ekip i ri në ngritje, ndërsa skudrat tjera kanë përvojë të madhe. Por, nëse ne e ruajmë pozitivitetin dhe atmosferën në grup, me pak fat në lojë mund të befasojmë në këtë grup kualifikues,” ka thënë ndër të tjera Ujkani.

ORARI I NDESHJEVE dhe GRUPET KUALIFIKUESE

Në anën tjetër, Milot Rashica që është në formë të jashtëzakonshme te ekipi i tij Werder Bremen, ka thënë se do të jetë i gatshëm maksimalisht për cilëndo pozitë që ia kërkon trajneri.

“Në Werder aktualisht po luaj si qendër sulmues, prandaj po jam efektiv. Te Kosova kam detyrë tjetër. Por, cilëndo që e kërkon trajneri unë jap maksimumin tim,” ka thënë vushtrriasi.

Kosova më 21 mars luan miqësore ndaj Danimarkës në Prishtinë. Ndërsa më 25 mars pret Bullgarinë në duelin e parë kualifikues për EURO 2020.