LIGA E PARË
Muja me hat-trick në fitoren e Vllaznisë
28 September, 2016 @17:50
Ish sulmuesi i skuadrave të ndryshme nga Superliga, Premton Muja, ka shënuar hat-trick në fitoren e skuadrës së tij, Vllaznisë së Pozharanit, e cila e mposhti me rezultat të thellë Ramiz Sadikun.
Kapiteni Muja shënoi tre herë, ndërsa edhe një gol u shënua nga Mensur Livoreka, për rezultatin përfundimtar, 4-0.
Kjo është fitorja e tretë rresht në Ligën e Parë për Vllazninë, e cila aktualisht renditet në pozitën e dytë, menjëherë pas skuadrës lidere, Fushë Kosovës, derisa Ramiz Sadiku, që mbetet me 7 pikë, renditet në pozitën e dhjetë.
