Drejt largimit!

Vetëm disa ditë pasi që Crystal Palace largoi trajnerin Neil Warnock nga detyra, ata kanë kërkuar nga Newcastle United që të bisedojnë me trajnerin Alan Pardew. 

Pardew, që është trajneri i dytë në Premier League pas Arsene Wengerit me qëndrim për kohë më të gjatë në një ekip aktualisht, tashmë po bisedon me drejtuesit e ekipit që po kërcënohet me rënie nga elita. 

Newcastle ka pranuar që trajneri i saj të bisedojë me Crystal Palace-in dhe gjithçka pritet të qartësohet në ditët në vijim nëse Pardew do ta lë ekipin e laraskave për të kaluar në një luftë tjetër, me Crystal Palace-in. 

Newcastle United veçse ka nisur kërkimin për trajner të ri, derisa Pardew pritet të zyrtarizohet si trajner i ri i Crystal Palace-it në ditët në vijim, shkruan sot Eurosport.