Në plane te Barcelonës

Braziliani Philippe Coutinho çdo ditë e më shumë po tregon vlerat e veta në futbollin botëror.

Ky fakt ka bërë që Barcelona ta konsiderojë seriozisht mesfushorin kreativ të Liverpoolit.

Së fundi 24 vjeçari sot ka treguar performancë të shkëlqyer në fitoren e Brazilit ndaj Argjentinës 3-0, ndërsa e përditshmja spanjolle Sport e ka vendosur atë në ballinë me titull: Objektivi Coutinho.

Në artikull thuhet që braziliani 24 vjeçar i përshtatet shumë mirë lojës së Barcelonës, ndërsa miqësia e madhe që e ka me Neymarin mund ta bind atë për të kaluar te Barcelona.

Coutinho në Europë ishte sjellë nga Interi, kur këta e transferuan nga Vasco da Gama për 3.8 milionë euro (stinori 2010/11).

Inter e mbajti Coutinhon dy vjet, e huazoi te Espanyoli një stinor (ku shënoi 5 gola në 16 paraqitje në La Liga) dhe e riktheu në Giuseppe Meazza.

Sidoqoftë, stinori 2012/13 me 10 paraqitje dhe një gol të shënuar bëri që Interi ta shesë atë për 10 milionë euro te Liverpooli, ku tashmë lojtari në fjalë nën urdhërat e Jurgen Kloppit është duke shkëlqyer.