Neymar shkëlqen,  Paqueta vendos - Brazili në finale

Brazili është finalisti i parë i Copa America 2021, pasi që mposhti Perunë 1-0 në përballjen gjysmëfinale të garës.

Ka qenë momenti i shkëlqyeshëm i Neymarit, kur lirohet nga 3 futbollistë, për të hedhur Lucas Paquetan të vetëm për të shënuar për fitore 1-0 (35).

Në fakt, Brazili ka dominuar gjatë gjithë ndeshjes, por mrekullirat e bëra nga portieri i Perusë, Pedro Gallese kanë qenë të shumta, duke ndalë afro dhjetë mundësi ideale të cariocëve për të shënuar.

Peruja pak herë arriti në portën e brazilianëve, pa rrezikuar fort, ndërsa ky u tregua të jetë edhe maksimumi i ekipit të Ricardo Garecas.

Në finale, Brazili do të pret fituesin e përballjes tjetër gjysmëfinale që zhvillohet sonte vonë, Argjentina-Kolumbia.

Neymar në fund u zgjogh edhe lojtar i ndeshjes.