DEKLARATA E TRAJNERIT TË DRITËS
Nuhiu: Drita s’i dha rast rivalit
30 August, 2019 @21:16
Trajneri i Dritës, Ardian Nuhiu, në deklaratën e tij pas ndeshjes së fituar sot ndaj Dukagjinit në Klinë, ka thënë se ekipi i tij është treguar i rrezikshëm dhe ka qenë i mirë edhe në mbrojtje.
“Më pëlqeu sot ekipi, më pëlqeu edhe fitorja me këtë rezultat, por fakti që nuk u rrezikuam asnjëherë nga vendasit më bën edhe më të lumtur,” ka thënë Nuhiu për Supersportin.
Njëjtë, trajneri në fjalë ka bërë të ditur se është i kënaqur që ekipi ka shënuar 4 gola, përkundër se kanë pasur shumë raste.
“Por, jo çdo rast bëhet gol,” ka shtuar ai.
Drita pas humbjes befasuese në fillim të stinorit nga Ferizaji, ka shënuar dy fitore radhazi dhe aktualisht ka marrë kreun e Superligës.