1/4: BAYERN-SEVILLA
Fotot: ChampionsLeague/fb
Pa gola në gjysmëfinale
11 April, 2018 @22:40
Bayern Munchen ka pasur më shumë raste në ndeshjen e kthimit të zhvilluar në stadiumin e tij sesa Sevilla, por ndeshja përfundoi pa gola dhe një karton të kuq për mysafirët në fund.
Bayern është gjysmëfinalist i Ligës së Kampionëve, pasi që me fitoren 2-1 në ndeshjen e parë në Spanjë dhe barazimin e sontëm 0-0, ka siguruar biletën për katërshen më të mirë të garës më të rëndësishme europiane.
Joaquin Correa ka marrë karton të kuq në fund të ndeshjes pas një starti të ashpër ndaj lojtarit të Bayernit, ndërsa ndërrimet që i bëri Vincenzo Montella në pjesë të dytë nuk sollën rezultat.
Të premten, Bayern do të kuptojë kundërshtarin e radhës në rrugë për finale të Ligës së Kampionëve.
