MEDIA TALK
Para takimit, UEFA planifikon mini-turne për fituesin e Champions dhe Europa Ligës
16 March, 2020 @20:45
Një mini-turne pritet të vendos fituesin e Ligës së Kampionëve dhe Europa Ligës, që po shihet si opsion i UEFA-së pas shpërthimit të coronavirusit.
UEFA gjithçka pritet të qartësojë nesër në video-takimin e paralajmëruar nga java e kaluar, ndërsa pritet që çdo ligë kombëtare dhe ndërkombëtare të përfundojë sivjet, kurse EURO 2020 të bëhet EURO2021.
Ndërsa një burim, shkruan BBC Sport, ka bërë të ditur se të gjitha anët duhet të jenë të gatshëm që të sakrifikojnë diçka për të arritur te zgjidhja.
SI DO TË LUHEJ MINI-TURNEU?
Sikurse Premier Liga që ka bërë të ditur të premten që duhet përfunduar disi stinori, edhe UEFA-ja ka kërkuar që Liga e Kampionëve dhe Europa Liga të arrijnë fundin e stinorit për shkak të obligimeve të mëdha kontraktuale me transmetuesit e ndeshjeve.
Në total, Ligës së Kampionëve i duhen rreth 16 ndeshje për të arritur te titulli, e dyfish më shumë Europa Ligës.
Nëse çerekfinalet e gjysmëfinalet luhen me një ndeshje të vetme për çift - kjo dë shkurtonte përgjysmë duelet dhe do të arrihej shpejt te finalja.
E turneu do të mblidhte skuadrat në vendet finaliste, Stamboll dhe Gdansk, për të arritur te trofeu brenda javës.
Shtyerja e EURO 2020 do të lironte kalendarin e ndeshjeve, duke bërë që ligat e ndryshme të kryejnë normalisht stinorin, ndërsa ekipet të kenë kohë edhe për gara evropiane.
Gjithsesi, gjithçka vendoset nesër në video-takimin mes krerëve të UEFA-së, 55 shteteve anëtare dhe Shoqatave të Futbollistëve, etj.