REAL - DEPORTIVO
Përsëri Ramos, gjithmonë Ramos!
10 December, 2016 @22:44
Tashmë është bërë e zakonshme!
Kur Realit i duhet goli, aty paraqitet Sergio Ramos dhe koka e tij, e cila edhe sonte e ka shpëtuar skuadrën e Zidanet. Ramos shënoi pak para fundit për rezultatin përfundimtar 3-2, në një takim ku Reali ishte në disavantazh dhe fitorja erdhi në 10 minutat e fundit të ndeshjes.
Në fakt, sonte duket sikur gjërat i ‘komplikoi’ Zidane, i cila la jashtë skuadrës lojtarët e zakonshëm startues si Modric, Ronaldo e Benzema, të cilët nuk ishin as në bankën rezervë. Kjo bëri që fitorja të arrihej më vështirë, mirëpo në fund gjithçka u mbyll mirë për skuadrën madrilene.
Kjo fitore bën që rekordi i mbretërve pa humbje të vazhdojë. Tashmë skuadra e Zidanet ka 35 ndeshje radhazi pa humbje në të gjitha garat.
Sa i përket La Ligës, Reali ndodhet 6 pikë para Barcelonës momentalisht.
Real Madrid VS Deportivo La Coruna 3-2 - All… by footballderby
