Të gjitha lajmet

KOLUMNE

Projekti Restart

Foto: premierleague.com

Projekti Restart

Shkruan: Luan MORINA

17 June, 2020 @12:45

Premier League po kthehet, me shumë gjëra për tu qartësuar në javët në vijim.

Janë dy fronte kryesore – pozita e katërt dhe mbijetesa, pasi që Jurgen Klopp e ‘prishi’ Premier Leaguen, pasi u bë edhe mbret i Evropës!

BEFASIA E STINORIT

Befasia më e madhe deri tashti është Wolves, të cilët kanë nisur sezonin gati 12 muaj më parë, dhe përkundër kësaj janë ende në luftë si për Ligën e Kampionëve njashtu edhe për Europa League. Dhe krejt kjo me ekipin me më së paku lojtarë në ligë. Ky pushim i detyrueshëm duhet të ketë ndihmuar më së shumti ekipin e Nuno Espirito Santo. Prandaj, Wolves, për mendimin tim mund të jetë favoriti kryesor për t’i marrë pozitën Chelseat.

Si për Wovles, ashtu edhe për Manchester United, Europa League mbetet alternativë e mirë. Ekipi i Solskjaer pati një seri të mirë, pyetja është nëse do të mund ta gjejnë përsëri.

KUSH MBETET JASHTË GARAVE EVROPIANE?

Tottenhami i Mourinhos shihet si ekipi që ka përfituar më së shumti me këtë pushim, rikthim nga lëndimeve dhe kohë për tu adaptuar me ekipin për portugezin.

Personalisht, nuk e shoh Tottenhamin në Evropë vitin e ardhshëm! Njëjtë sikur Arsenalin. Dhe kjo mund të jetë më e mira që mund t’i ndodh edhe këtyre dy rivalëve edhe Premier League për sezonin e ardhshëm.

Leicester City ka pasur formë të përzier, dhe me pak pakujdesi mund të dalin nga zona e Ligës së Kampionëve. Në fakt, më herët e shoh Leicesterin jashtë se sa Chelsean. Blutë e Londrës duhet të jenë të inspiruar me blerje të mira këtë periudhë, kur të gjithë po hezitojnë tu dedikohen shpenzimeve të mëdha. Werner, Ziyech, dhe ndoshta Havertz do t’i japin frymë Chelseat të rinuar dhe projektit shumëvjeçar të Lampardit.

MBIJETESA

Pos Newcastle, ekipet tjera deri në pozitën e 14të, përfshirë Southamptonin besoj që kanë siguruar mbijetesën.

Nga ekipet 15-20, West Ham meriton të largohet për shkak të keqmenaxhimit të ekipit jashtë fushës së gjelbër. Kanë qenë zyrtarë të tyre që kanë kërkuar ndërprerjen e sezonit, për të siguruar mbijetesën; të njëjtit që Moyes i kanë dhënë kontratë pa kompensim të madh në rast të shkarkimit të tij.

Aston Villa do të përsëris me gjasë Fulhamin e vitit të kaluar, nëse nuk merr fitore sonte në ndeshjen e mbetur. Kjo ndeshje, mendoj, në pjesë të madhe do të përcaktojë drejtimin që do të marrin për pjesën e mbetur si Sheffield United ashtu edhe Aston Villa në misionet e tyre.

Është e paqartë se kush do të mbijetojë, e edhe Norwich të cilët nuk kanë shumë për të humbur, mund t’i japin një shtytje përfundimtare luftës për mbijetesë. E dimë që të gjitha këto që luftojnë për mbijetesë kanë mposhtur edhe ekipe që janë e luftojnë për zonën e Ligës së Kampionëve.

Asgjë për tu çuditur, është liga më e mirë në botë, Premier League.

DELE ALLI

Një postim “qesharak” për coronën, gjobë dhe suspendim për Allin

Foto: premierleague.com

11 June, 2020 @14:49

Njëri ndër futbollistët më të dalluar të Tottenhamit, Dele Alli, është suspenduar për ndeshjen e radhës në Premier Ligë. …

ENGLISH FOOTBALL LEAGUE

League One dhe Two, i japin fund stinorit

9 June, 2020 @17:19

Pas votimit formal të bërë sot, League One dhe League Two të Anglisë, që sipas radhitjes janë e treta dhe…

VENDIMI I RI

Aprovohen 5 zëvendësime dhe 9 futbollistë në bankën rezervë

4 June, 2020 @15:57

Skuadrat e Premier Ligës angleze në vazhdim të kampionatit 2019/20 do të kenë të drejtë të bëjnë 5 zëvendësime të…

PREMIER LEAGUE

Hera e pestë e testimeve, një lojtar pozitiv në Premier League

3 June, 2020 @18:09

Kur jemi dy javë larg rikthimit të Premier Leagues dhe stërvitjet grupore të ekipeve veçse kanë filluar, testet e lojtarëve…

E FUNDIT

United vazhdon huazimin e Ighalos

Foto: premierleague.com

1 June, 2020 @12:59

Edhe zyrtarisht Manchester United ka bërë të ditur se ka vazhduar huazimin e sulmuesit nigerian Odion Ighalo. Marrëveshja aktuale…

Të gjitha lajmet nga Premier League