Reali i pari me 100 ndeshje! Por, kush janë ndjekësit më të afërt?

Real Madrid me përballjen e mbrëmshme ndaj Atalantës ka regjistruar ndeshjen jubilare të 100-të në kuadër të fazës eliminatore të Champions League, prej se gara mban këtë emër.

Rekord-kampioni evropian fitoi edhe në përballjen e 100-të në fazën knockout, duke e mposhtur Atalantën me rezultat minimal 0-1, me golin e francezit Ferland Mendy.

E tash, pas Realit janë renditur edhe dy skuadra që janë shumë afër për të arritur te kjo shifër, e 100 ndeshjeve në fazën eliminatore të garës.

Por, kush ka gjasa ta bëj nga këto këtë stinor?!

Pas Real Madridit që ka arritur 100, kjo është renditja e skuadrave që janë më së afërmi…

CHAMPIONS:LEAGUE

(ndeshjet në fazën eliminatore)

1. Real Madrid 100
2. Bayern 97
3. Barcelona 96
4. Manchester United 68
5. Juventus 67
6. Chelsea 63
7. Milan 51
8. Liverpool 45
9. Arsenal 45
10. Porto 39.

Bayern, ka gjasa të mira të bëhet skuadra e dytë që arrin 100-shen këtë stinor, pasi që duket se Lazion do ta kalojë dhe pas kësaj i ka dy ndeshje të sigurta, që e çojnë atë te 100-shja.

Ndërsa pas humbjes nga PSG në përballjen e parë të zhvilluar në Camp Nou, Barcelona sipas të gjitha gjasave do të duhet të presë sezonin tjetër për të bërë këtë arritje.

Të tjerëve, do t’ju duhen edhe shumë vite për të arritur te 100-shja e ndeshjeve në fazën eliminatore të Champions.