Rikujtim me Norvegjinë!

Para ndeshjes kualifikuese për Kampionatin Botëror Brazili 2014 me Shqipërinë, norvegjezët të cilët kanë bërë ndërrimin e gjeneratave janë duke shikuar mundësinë për të shkuar në Brazil. 

Mirëpo, ata sot në mediat e tyre kanë pasur shumë kujdes duke folë për kundërshtarin kuq-e-zi. Ndërsa faqja zyrtare e Federatës norvegjeze, ka përkujtuar edhe ndeshjen kur Shqipëria e kishte befasuar kombëtaren norvegjeze për kualifikime në Kampionatin Europian të vitit 2000. 

Ndeshja e parë, në Oslo

Ndeshja u zhvillua më 14 tetor të vitit 1998 në stadiumin e njejtë ku do të luhet edhe ndeshja e ardhshme, Ullevaal. 

Në atë ndeshje Shqipëria kishte filluar mrekullueshëm duke shënuar dy herë në portën norvegjeze nëpërmjet Alban Bushit në minutën e 37-të, ndërsa në pjesën e dytë tash drejtori sportiv i Lazios, Igli Tare, kishte shënuar për 0-2 në të mirë të kombëtares kuqezi të udhëhequr nga Astrit Hafizi atëbotë. 

Përkundër se ndeshja përfundoi me rezultat 2-2, pasi që norvegjezët arritën të barazojnë në dhjetë minutat e fundit të takimit nëpërmjet Kjetil Rekdalit (81) dhe Henning Bergut (87), shtetit skandinav i ka mbetur në mend ndeshja me Shqipërinë dhe kjo është shumë e rëndësishme të dihet nga futbollistët e kombëtares. 

Ndeshja e dytë, në Tiranë

Në ndeshjen tjetër të zhvilluar në Tiranë (5 qershor 1999), Norvegjia kishte avancuar nëpërmjet Steffen Iversenit në minutën e tretë të ndeshjes. Por gjigandi Tare kishte barazuar shpejtë në minutën e 13-të. Përsëri në fund, ish sulmuesi i Chelseat, Tore Andre Flo, me golin e tij në minutën e 83-të, i kishte sjellë fitore skandinavëve. 

TAKIMET E KUQEZINJËVE ME NORVEGJINË:

11-shja e atëhershme e Shqipërisë:

11-shja e atëhershme e Norvegjisë: