PARA NDESHJES KOSOVA-SHQIPËRIA
Foto: FSHF
Shqipëri sulmuese përballë Kosovës
29 May, 2018 @14:52
Mediat shqiptare kanë publikuar sot 11-shen potenciale të cilën Christian Panucci mund të nis ndeshjen ndaj Kosovës.
Panorama Sport ka shkruar se sipas stërvitjeve të bëra dhe eksperimenteve në formacion, trajneri italian i Shqipërisë do të provojë formacion sulmues ndaj Kosovës, sonte në Zurich.
Në portë është planifikuar të jetë Etrit Berisha. Mbrojtja përbëhet nga Berat Xhimshiti, Frederic Veseli, Elseid Hysaj dhe Bujar Lika. Mesi i fushës me katërshen Odise Roshi dhe Ermir Lenjani në krah ndërsa në qendër Ylber Ramadani dhe Kamer Qaka. E sulmi do të përbëhet nga Sindrit Guri dhe Sokol Çikalleshi ose Bekim Balaj.
Ndeshja nis në ora 20:00.
