S’ka festë goli në Anfield

Dueli kryesor i javës në Premier League, ndërmjet Liverpoolit dhe Manchester Unitedit, përfundoi me rezultat të barabartë pa gol, 0-0.

Ndeshja kryesisht kaloi me mbizotërimin e Liverpoolit në posedim të topit, por rruga e golit mbeti i mbyllur edhe për ta, pavarësisht këtij fakti.

Në pjesën e parë skuadrat ishin më mbrojtëse, ndërsa në fillim të pjesës së dytë raste shënimi kishin Zlatan Ibrahimovic për Unitedin dhe Emre Can për Liverpoolin.

I rrezikshëm u tregua edhe braziliani Coutinho, i cili me një goditje të bukur nga distanca në minutën 71’ u mundua ta befasojë portierin De Gea, por ky i fundit u tregua gjithashtu i vëmendshëm, duke e dërguar topin në korner.

Prishjen e baraspeshës në rezultat u munduan ta bëjnë edhe trajnerët e të dyja skuadrave, Jurgen Klopp dhe Jose Mourinho, duke i futur në lojë “armët” kryesore sulmuese që i kishin në dispozicion, por megjithatë as kjo nuk dha festë goli në Anfield dhe skuadrat u ndanë pranë rezultatit të barabartë 0-0.

TABELA AKTUALE NË PREMIER LEAGUE