S’ka të pamundur në futboll

Trajneri i Partizanit, Adolfo Sormani, në konferencën për shtyp para ndeshjes me Salzburgun e Austrisë ka thënë se në futboll nuk ka të pamundur.

Partizani u mposht në shtëpi nga Salzburgu 0-1, ndërsa sonte luan ndeshjen e kthimit në Austri për të shikuar mundësinë e fundit për Play-Off të Ligës së Kampionëve.

“Nuk dua të mendoj sa kemi mundësi për të kaluar tutje përballë Salzburgut. Dua të mendoj për një paraqitje të mirë që do ta jep skuadra,” ka thënë trajneri Sormani.

“Sigurisht që ndeshja është e vështirë për ne, por në futboll asgjë nuk është e pamundur,” ka thënë ndër të tjera trajneri italian i ekipit tiranas.

Dueli Salzburg - Partizani zhvillohet në “Red Bull Arena” të Salzburgut me fillim në ora 20e30.