Spanja demolon nënkampionin e botës

Furia e kuqe spanjolle e drejtuar nga Luis Enrique ka vazhduar mbarë Ligën e Kombeve.

Pas fitores ndaj Anglisë, spanjollët kanë mposhtur thellë edhe rivalin tjetër të Grupit 4 në Ligën A të Kombeve, Kroacinë dhe atë bindshëm 6-0.

ORARI I NDESHJEVE, REZULTATET, TABELA dhe GRUPET

Nënkampioni aktual i Botës, Kroacia, ka filluar turpshëm Ligën e Kombeve me një disfatë të tillë, ndërsa golat për Spanjën erdhën nga Saul 24’, Asensio 33, Kalinic AG 35’, Rodrigo 49’, Ramos 57’ dhe Isco 70’.

Tash, pas dy ndeshjeve të para në A4 të Kombeve, Spanja ka pikë maksimale, 6. Ndërsa Kroacia dhe Anglia, dy viktimat e Spanjës, do të masin forcat më 12 tetor për të kërkuar pikët e para në këtë grup.