THOMAS STRAKOSHA
Strakosha i pakalueshëm për Udinesen
26 February, 2017 @20:10
Portieri i ri shqiptar, Thomas Strakosha, ka treguar një tjetër paraqitje të mirë me skuadrën e Lazios në Serie A.
Gardiani kuqezi sot e mbajti të paprekur portën e tij përgjatë 90 minutave në ndeshjen kundër Udineses, ndërsa në fund Lazio festoi fitoren me rezultat minimal 1-0, falë golit të Immobiles nga penalltia në minutën 72’.
Kjo është ndeshja e tretë rresht në Serie A që Strkosha po kujdeset për portën e Lazios, ndërsa hera e katërt në këtë stinor që po arrin ta përfundojë ndeshjen pa pësuar.
